Maşın sürən 14 yaşlı yeniyetmə videosunu sosial şəbəkədə paylaşdı - VİDEO

Avtomobili idarə edən yeniyetmə özünü videoya çəkərək “TikTok” sosial platformasında paylaşıb. 
Avtosfer.az-ın məlumatına görə, bu barədə o, sosial şəbəkə hesabında paylaşım edib.
Belə ki, 14 yaşlı oğlan 77-KN-092 dövlət nömrə nişanlı “KIA” markalı avtomobili sürür. Bu zaman isə onun yaxınlarından biri görüntünü lentə alır. 
Qeyd edək ki, sosial şəbəkə istifadəçilərinin bir qismi yeniyetməyə müsbət reaksiya versə də, qalanı bu yaşda avtomobili idarə etməsinin təhlükəli olduğunu bildiriblər. 
Xatırladaq ki, İnzibati Xətalar Məcəlləsinin 335.1 maddəsinə əsasən, nəqliyyat vasitəsinin sahiblik hüququ olan şəxs tərəfindən avtomobili sürmək üçün sürücülük hüququ olmayan şəxsə verilməsinə görə, fiziki şəxslər 60 manat, vəzifəli şəxslər 200 manat,  hüquqi şəxslər isə 2 000 manat məbləğində cərimə edilirlər. 

Nərmin