Maşını ikinci cərgəyə atıb gedən sürücü yolu kəsdi - VİDEO

Xırdalanda qaydaları pozan sürücü hərəkətə mane olub. Avtosfer.az xəbər verir ki, hadisə Mehdi Hüseynzadə küçəsində qeydə alınıb.

Belə ki, 77-LB-502 qeydiyyat nişanlı "KIA" markalı avtomobilin sürücüsü ikinci cərgədə parklanma edərək oradan uzaqlaşıb. Videodan da aydın şəkildə görünür ki, sürücü həmin vaxt qəza-dayanma işıq siqnalını qoşub. Əksər sürücülər dayanma-durma qaydasını pozan zaman bu işıq siqnallarını qoşurlar. Elə düşünürlər ki, həmin işıq siqnalları işlək vəziyyətdədirsə qayda pozmamış hesab olunur. Təbii ki, bu, doğru yanaşma deyil. Hətta işıq siqnallarını qoşmuş olsa belə, qayda pozuntusu olduğu üçün, sürücü məsuliyyətə cəlb edilməlidir.

Bu qayda pozuntusuna görə, İnzibati Xətalar Məcəlləsinin 346.4-cü maddəsilə 2 bal 80 manat məbləğində cərimə nəzərdə tutulub.

Könül Rauf