Maşını var, vəsiqəsi yoxdur – 300 manatlıq cərimələr qanunsuz yazılır - VİDEO

Nəqliyyat vasitəsini idarə etmək hüququ, yəni sürücülük vəsiqəsi olmayan mülkiyyətçinin avtomobildə olub-olmamasından asılı olmayaraq adına niyə protokol tərtib olunur? Bu cərimələrin tərtib edilməsi qanunauyğundurmu və belə hallarla qarşılaşan vətəndaşlar nə etməlidirlər?
Avtosfer.az xəbər verir ki, hüquqşünas Ərşad Hüseynovun sözlərinə görə, bu məsələ hazırda böyük problemlərdən biridir və heç bir qanunauyğunluq yoxdur. Çünki əvvələ protokol tərtib edilərkən DYP əməkdaşı sürücünün kimliyini dəqiqləşdirməli, onunla üz-üzə görüşməlidir. Məsələ dəqiqləşdikdən sonra müvafiq addımlar atılmalıdır. “Onu qeyd edim ki, belə hallarla qarşılaşan vətəndaşlar çoxdur. Bəzən maşın nənənin adına olur və nəvə idarə edir, lakin cərimələr nənəyə gəlir. Əlbətdə ki, bu, qanunaziddir. Bu kimi problemlə üz-üzə qalan vətəndaş şikayət edib məsələnin yenidən araşdırılmasını tələb edə bilər. Biz dəfələrlə belə halların yaşanmasını qınamışıq və tam əminliklə deyə bilərik ki, bu cür cərimənin yazılması qanunsuzdur”.

Nurlan Sakitoğlu