Maşını yolun ortasında park edib yoxa çıxan sürücünü DYP belə tapdı - FOTO

Bakı şəhər Dövlət Yol Polisi İdarəsinin bölmə rəisi polis mayoru Toğrul Nəsirli sorğumuza cavab olaraq bildirib ki, sözügedən nəqliyyat vasitəsi ilə bağlı araşdırma aparılıb və sürücü barəsində qanunamüvafiq tədbirlər görülüb.

***

Bakıda dayanma-durma qaydasını pozan sürücü sakinlərin yolunu kəsib. Avtosfer.az xəbər verir ki, hadisə yanvarın 27-də, paytaxtın Xudu Məmmədov küçəsində qeydə alınıb. Belə ki, 99-RE-775 qeydiyyat nişanlı "Hyundai" markalı avtomobilin sürücüsü yolun ortasında park edərək çıxıb gedib. Bu səbəbdən yolda hərəkət məhdudlaşıb. Sakinlər bildirirlər ki, avtomobil yanvarın 26-ı axşam saatlarından orada park edilib. Sürücünü tapmaq mümkün olmadığından sakinlər avtomobillərini həyətdən çıxara bilməyiblər.

Hadisə yerindən qeydə alınmış fotoları təqdim edirik.

Fərid