Maşının “lyuk”unu açaraq azyaşlıları təhlükəyə atan sürücü cərimələndi - RƏSMİ - VİDEO

Paytaxtın Atatürk prospektində qayda pozan sürücü cərimələnib.

Avtosfer.az-ın sorğusuna cavab olaraq Bakı şəhər Dövlət Yol Polisi İdarəsinin bölmə rəisi polis kapitanı Toğrul Nəsirli bildirib ki, 99-VX-011 dövlət nömrə nişanlı “Mercedes” markalı avtomobilin sürücüsü - Vəliyev Turay Qaçay oğlu yol polisi əməkdaşları tərəfindən saxlanılıb. Sürücü barəsində Azərbaycan Respublikasının İnzibati Xətalar Məcəlləsinin 327.2-ci maddəsiylə inzibati xəta haqqında protokol tərtib olunub. 

Qeyd edək ki, bir neçə gün öncə qayda pozan sürücüylə bağlı saytımızda xəbər dərc olunub. Belə ki, T.Vəliyevin idarə etdiyi avtomobildə azyaşlılar başlarını maşının “lyuk”undan çıxararaq təhlükəli hərəkətlər etmişdi. 

Nərmin