Maşının önündən qəfil keçən “BMW” sürücüsü qəza riski yaratdı - VİDEO

Paytaxtın Nərimanov rayonu, Ziya Bünyadov prospektində kobud qayda pozan sürücü kameraya düşüb.

Avtosfer.az-ın məlumatına görə, hadisə martın 5-də saat 14:17 radələrində “Çermet” körpüsü üzərində qeydə alınıb. Belə ki, 77-TG-774 dövlət nömrə nişanlı “BMW” markalı avtomobilin sürücüsü manevr qaydasını pozub. Kadrlardan göründüyü kimi, o, hərəkətdə olduğu zolaqdan qəfil ən sağ zolağa keçərək görüntünü qeydə alan avtomobil üçün qəza riski yaradıb.

Daha sonra sürücü təhlükəsizlik adacığının üzərindən sağ tərəfə keçərək yenidən qayda pozub. Xoşbəxtlikdən qəza baş verməyib.

Qeyd edək ki, sürücülər zolağın boş olduğu əmin olduqdan sonra manevr edə bilər. 

Digər tərəfdən təhlükəsizlik adacığı yolun müəyyən hissəsində nəqliyyat vasitələrinin hərəkətinə icazə verilməyən sahədir və buraya daxil olmaq həm qanun pozuntusu, həm də qəza riskini artırır. Sürücülər hər zaman zolaqlar üzrə manevr etməli və adacıq üzərindən keçməməlidirlər, əks halda ciddi inzibati məsuliyyətə cəlb olunurlar. 

Nərmin