Maşınların arasında şou göstərən "avtoş" sürücü peyda oldu - VİDEO

Bakıda avtoxuliqanlıq hərəkətləri edən sürücü öz videolarını sosial şəbəkədə paylaşıb. Avtosfer.az xəbər verir ki, 99-MX-257 qeydiyyat nişanlı "Hyundai" markalı avtomobilin sürücüsü paytaxtın İlqar Cümşüdov küçəsində təhlükəli manevrlər edərək svetoforun qırmızı işığında hərəkət edib. Eyni hərəkətləri Ziya Bünyadov prospektində də təkrarlayaraq avtomobillərin arası ilə təhlükəli şəkildə hərəkət edib.

Sürücü avtomobilin konstruksiyasına da normativ tələbləri pozan dəyişiklik edərək ön qabarit işıqlarını qırmızı lampa ilə əvəzləyib. Qanunvericiliyə görə, qırmızı rəngli işıqlar yalnız avtomobilin arxa hissəsi üçün nəzərdə tutulub.

Leyla