Maşınlarını avtobus zolağında ard-arda park edən sürücülər - 99-KN-058 və 77-MX-941 - FOTO

Paytaxtın Binəqədi rayonu Süleyman Sani Axundov küçəsində dayanma-durma qaydasını pozan sürücülər kameraya düşüb.

Bu barədə izləyicilərdən biri Avtosfer.az-a fotoşəkil göndərib. Belə ki, 99-KN-058 dövlət nömrə nişanlı “Toyota” markalı, 77-MX-941 dövlət nömrə nişanlı “Hyundai” markalı və digər avtomobillərin sürücüləri avtobus dayanacağını zəbt ediblər. Nəticədə avtobus sürücüləri dayanacağa daxil olmaqda çətinlik çəkiblər. İzləyicinin iddiasına görə, sözügedən avtomobillər uzun müddət ərazidə qalıb və sürücülər hadisə yerində olmayıb.

Qeyd edək ki, qanunvericiliyə görə, sürücülər avtomobillərini avtobusların dayanacağını bildirən xətlərin qurtaracağında və ondan 15 metr kənarda saxlaya bilərlər. 

Xatırladaq ki, bu qayda pozuntusu İnzibati Xətalar Məcəlləsinin 327.2-ci maddəsinə görə, 40 manat məbləğində cəriməylə nəticələnə bilər.

Nərmin