Məşhurluğundan istifadə edən müğənni qaydaları saymır - VİDEO

Müğənni Pünhan Piriyev sükan arxasında qaydaları pozaraq qeydə aldığı videonu sosial şəbəkə hesabında paylaşıb. Avtosfer.az xəbər verir ki, o, idarə etdiyi "Mercedes Gelandewagen" markalı avtomobili idarə edən zaman təhlükəsizlik kəmərindən istifadə etməyib. Görüntüyə diqqətlə baxsaq görərik ki, müğənni kəmərin bağlanan yerinə başlıq keçirərək avtomobilin siqnal çalmasının qarşısını alıb.

Məşhurların əksəriyyəti sükan arxasında təhlükəsizlik kəmərindən istifadə etmirlər. Onlar elə düşünürlər ki, tanındıqları üçün toxunulmazdılar və heç vaxt qəzaya düşməyəcəklər, o cümlədən ölməyəcəklər. Lakin statistikaya nəzər salsaq görərik ki, qaydaları ciddiyə almadıqları üçün nə qədər məşhur insanlar yol terrorunun qurbanına çevriliblər.

Leyla