Musabəyov parkına tərəf çıxmaq istəyən sürücülər çətinlik çəkirlər - Necə olmalıdır? - VİDEO

Baku TV-nin "Necə olmalıdır?" rubrikasının yeni buraxılışında paytaxtın Mətbuat prospektində sürücüləri narahat edən problemlərdən danışılıb.

Avtosfer.az-ın məlumatına görə, bildirilib ki, prospektdə yerləşən yaşayış kompleksinin sakinləri sola - Musabəyov parkı istiqamətinə çıxışa icazə verilməməsindən narazıdırlar.
Qeyd edilib ki, prospektin bu nöqtəsində hərəkət işıqforla tənzimlənir. Lakin çıxış yalnız sağa icazə verir. Nəticədə sürücülər "Azərbaycan" nəşriyyatının qarşısından geri dönməyə məcbur olurlar. Bunun əksinə olaraq, aşağıdan gələn avtomobillərə sola dönməyə icazə verilir. Digər məsələ isə nəşriyyatın yaxınlığında, Şərifzadə küçəsindədir.

Aparılan çəkilişdən sonra sözügedən ərazidə dayanacaq pavilyonu quraşdırılıb. Lakin burada əyləşmək vətəndaşlar üçün çətinlik yaradır. Belə ki, pavilyonun oturacağı hündür, kənarları isə açıqdır. Küləkli havada orada dayanmaq mümkün olmur, üstəlik tavanı çox hündür quraşdırıldığından yağış və qar zamanı əlavə narahatlıq yaranır.