Neçə ildir nişanlar dəyişib, lakin əməl edən yoxdur - CƏRİMƏLƏNƏ BİLƏRSİNİZ - VİDEO

Bakıda bir neçə il əvvəl dəyişdirilən yol nişanın tələbinə sürücülər hələ də əməl etmirlər. Avtosfer.az xəbər verir ki, söhbət paytaxtın Ağa Nemətulla və Çaykovski küçələrinin kəsişməsindən gedir. Belə ki, sözügedən kəsişmədə geriyə dönmə əməliyyatı xaos yaratdığı üçün bir neçə il əvvəl orada hərəkətin təşkilinə dəyişiklik edildi. Düzünə və sağa hərəkəti bildirən 4.1.4 məcburi hərəkət istiqaməti nişanı ilə yanaşı, hərəkət sxemini bildirən 5.20.3 nişanı da quraşdırıldı. Çox təəssüflə bildirmək istəyirik ki, əksər sürücülər nişana deyil, əvvəlki qaydalara əməl edərək hərəkət edirlər. Bu isə günün pik saatlarında tıxacların yaranmasına səbəb olur.

Könül