Neftçilər prospektindəki tıxac buna görə yaranır - Belə etməyin - VİDEO

Bakının mərkəzində yerləşən və xalq arasında “Torqovi” kimi tanınan əraziyə avtomobillə girişə həftə sonları məhdudiyyət tətbiq olunur. Avtosfer.az xəbər verir ki, Tərlan Əliyarbəyov küçəsindən "Torqovi"yə giriş hissəsində şlaqbaum qurulub və buradan şənbə-bazar günləri yalnız ərazidə daimi yaşayan sakinlərin avtomobillə keçməsinə icazə verilir.

Lakin bu məhdudiyyətə baxmayaraq, əksər sürücülər həmin şlaqbaumun önündə toplaşaraq oradan keçməyə cəhd edirlər. Nəticədə, Neftçilər prospektində süni tıxac yaranır.

Bu hal təkcə ümumi nəqliyyat axınına mane olmaqla kifayətlənmir, həm də həmin ərazidə yaşayan sakinlərin öz evlərinə gedib çatmasına ciddi çətinliklər yaradır. Odur ki, həmin əraziyə üz tutan sürücülərdən xahiş edirik ki, həftənin şənbə və bazar günləri şlaqbaumun bağlı olduğunu unutmasınlar və lüzumsuz yerə dayanaraq tıxac yaratmasınlar.

Fərid