Nərimanovda səkini zəbt edən sürücü görüntüləndi - FOTO

Səkilərin sürücülər tərəfindən zəbt olunması artıq adi hala çevrilib Piyadaların yolunu kəsən bu sürücülər barəsində cərimələr nəzərdə tutulsa da sürücülər bundan dərs almır.

Avtosfer.az xəbər verir ki, analoji hal "Nərimanov" metro stansiyasının ətrafında da qeydə alınıb. Belə ki, “Hyundai Tucson” markaı 99-TX-731 qeydiyyat nişanlı avtomobiln sürücüsü səkini zəbt edib. Bu piydaların rahat hərəkətinə mane olub.

Qeyd edək ki, sürücü İnzibati Xətalar Məcəlləsinin müvafiq maddəsinə əsasən 20 manat məbləğində cərimə olunmalıdır.  

Lakin tutaq ki, yol polisi bu maşının sürücüsünü cərimələdi, bəs səkilərin zəbt edilməsi problemi birdəfəlik aradan qalxacaq?

Yolların təmiri zamanı bəzi obyektlərin qarşısındakı səkilərdə bordürlər yastı şəkildə düzülür. Bunun niyə belə edildiyinin səbəbi isə məlum deyil. Həmçinin ya yolun hansı hissəsindəsə bordürlər yastı formada düzülüb, ya da bordürlər dağıdılıb. Fotodakı maşın da çox güman ki, bu səbəblərdən piyada yoluna daxil ola bilib. Deməli, problemin həlli tək polisdən asılı deyil, bu məsələ ilə bağlı müvafiq qurumlar birlikdə tədbir görməlidir.

Məhəbbət Tərlanoğlu