Neytralda park edilən maşın öz-özünə hərəkət edib pilləkənə çırpıldı - VİDEO

Sürücü məsuliyyətsizliyi qəzaya səbəb olub.
Avtosfer.az xəbər verir ki, hadisə martın 18-i saat 10:14 radələrində qeydə alınıb. Videodan göründüyü kimi, “Mercedes” markalı avtomobil öz-özünə hərəkət edərək qəzaya uğrayıb. Belə ki, avtomobili park edərkən sürətlər qutusunu neytralda saxlayan sürücü nəqliyyat vasitəsinin anidən önə doğru gəldiyini görüb. Bu zaman o, güc tətbiq edərək avtomobilin hərəkətini dayandırmağa çalışıb. Lakin sürücünün səylərinə baxmayaraq maşın pilləkənlə toqquşub. Hadisə nəticəsində avtomobilin ön hissəsi sıradan çıxıb.
 “Yol hərəkəti haqqında” qanunda qeyd edilib ki, sürücü nəqliyyat vasitəsini duracağa qoyduqda mühərriki söndürməli, duracaq tormoz sistemini qoşmalıdır.

Nərmin