Nömrədə bayrağın silinməsinin cəriməsi nə qədərdir? - VİDEO

Nəqliyyat vasitəsinin qeydiyyat nişanı ilə nəqliyyat vasitəsinin bütün rəsmi tarixi qeydiyyat məlumatlarını əldə etmək olur. Lakin avtomobillərin nömrəsindəki bayraq silinir. Bəs buna görə sürücüləri hansı cəza gözləyir? Nömrənin dəyişdirilməsi üçün rüsum nə qədərdir? Belə halda avtombil duracağa aparılmalıdırmı?

Avtosfer.az xəbər verir ki, bu barədə “Avto FM” efirində Bakı Şəhər Baş Dövlət Yol Polisi İdarəsinin əməkdaşı, polis mayoru Araz Əsgərli aparıcının suallarını cavablayıb.

O, bildirib ki, standartların pozulması, yəni istər bayrağın silinməsinin, istərsə də rəqəmlərin oxunmaz hala düşməsi zamanı hal-hazırda 40 manat cərimə nəzərdə tutulub. “Bu avtomobilin duracağa təmin olunması üçün əsas olmayan və dəyişdirilməsi tələb edilən qayda pozuntusudur. Belə hallarda ərazi üzrə imtahan qeydiyyat şöbələrinə yaxınlaşıb, 30 manat dövlət rüsumunu ödəyib nömrələri yenisi ilə əvəzləmək olar”.  

Məhəbbət Tərlanoğlu