Nömrəni saxtalaşdırıb "zerkalni" edən sürücü şəhərdə "at oynadır": Cərimələr başqasına yazılır - FOTO

Avtomobilin dövlət qeydiyyat nişanını saxtalaşdıran sürücü barəsində oxuculardan biri redaksiyamızın qaynar xəttinə şikayət ünvanlayıb. O bildirir ki, həmin avtomobillə törədilən qayda pozuntusuna görə, barəsində elektron qərar tərtib edilib. Belə ki, sürücü 10-KA-896 qeydiyyat nişanındakı "9" və "6" rəqəmlərinə qara lent yapışdıraraq 8 rəqəminə çevirib. Bu səbəbdən radarlar həmin qeydiyyat nişanını 10-KA-888 kimi tanıyır.

Qeyd edək ki, həmin sürücü mayın 29-da, Abşeron rayonu, Fatmayı qəsəbəsində sürət həddini aşdığı üçün 10-KA-888 qeydiyyat nişanlı avtomobilin sürücüsü haqsız olaraq məsuliyyətə cəlb edilib. O, həmin nəqliyyat vasitəsinin saxlanılaraq duracağa yerləşdirilməsini və sürücü barəsində ciddi tədbirlər görülməsini xahiş edir.

Fərid