Novxanıda yük maşınının sürücüsü kobud qayda pozub qorxulu anlar yaşatdı - VİDEO

Binəqədi-Novxanı yolunda kobud qayda pozan sürücü avtomobillərə qəza şəraiti yaradıb.

Avtosfer.az-ın məlumatına görə, hadisə aprelin 18-də saat 09:38 radələrində qeydə alınıb. Videodan da göründüyü kimi, “Mercedes” markalı yük maşınının sürücüsü qoşa xəttin tələbini pozaraq geriyə dönmə manevri edib. Əks istiqamətli yolda hərəkətdə olan 77-BC-755 dövlət nömrə nişanlı “Opel” markalı avtomobilin sürücüsü baş verəcək qəzadan xilas olmaq üçün qəfil sağa manevr etməli olub. Bu vaxt isə o, həmin zolaqdakı maşına təhlükə yaradıb. Görüntünü qeydə alan sürücü də öz növbəsində sağa manevr edərək maşını yol kənarına sürüb.

Daha sonra sürücülər arasında mübahisə yaranıb. Görüntünü qeydə alan sürücü “Bura yolu dönmək yeridir?” deyərək qayda pozan şəxsə sual verib. O isə “Bu boyda maşını görmürsən?”  söyləyərək sürücünü səhv çıxarıb. 

Nərmin