Ondan çox avtomobil qayda pozdu – Nişan var, əməl edən yoxdur - FOTO

Paytaxtda yanlış parklanan sürücülərə görə digər hərəkət iştirakçıları, əsasən də piyadalar yolsuz qalır. Əksər hallarda isə piyadalar yolun hərəkət hissəsi ilə hərəkət edib özünü təhlükəyə atırlar. Bu kimi halların qarşısı alınması üçün qaydalar, xüsusən də dayanma və durmanı qadağan edən nişanlar təşkil olunub.

Avtosfer.az xəbər verir ki, Əliəşrəf Əlizadə küçəsində sözügedən nişanı heçə sayan sürücülər görüntülənib.

Belə ki, ondan çox avtomobilin sürücüsü dayanma və durmanın qadağan olunduğu yerdə maşın park ediblər. Bu da digər nəqliyyat vasitələrinin rahat hərəkətinə mane olub.

Xatırladaq ki, qayda pozan sürücülərin hər biri İnzibati Xətalar Məcəlləsinin 346.1-ci maddəsinə əsasən 20 manat məbləğində cərimə olunmalıdır.

Məhəbbət Tərlanoğlu