Ötməni düzgün edə bilməyən sürücü təhlükə yaratdı - VİDEO

Bakıda ötmə qaydasını pozan sürücü qəza şəraiti yaradıb. Avtosfer.az xəbər verir ki, hadisə fevralın 25-də, paytaxtın Babək prospektində baş verib. Belə ki, 99-UN-025 qeydiyyat nişanlı "Lada" markalı avtomobilin sürücüsü körpünün üzərində ötmə edən zaman arxadan gələn avtomobillərə əhəmiyyət verməyib. Sol zolağa keçən sürücü görüntünü qeydə alan avtomobilin önünə keçərək ona təhlükəli anlar yaşadıb.

"Yol hərəkəti haqqında" qanunun 51-ci maddəsində qeyd olunub ki, sürücü ötməyə başlamazdan əvvəl əmin olmalıdır ki, girmək istədiyi hərəkət zolağı ötmə üçün kifayət edəcək məsafədə boşdur və bu manevr ilə o, qarşıdan gələn və bu zolaqda gedən nəqliyyat vasitələri üçün maneə yaratmayacaq.

Fərid