Özlərini hamıdan artıq hesab edən sürücülər - VİDEO

Tıxacda əks yola çıxıb kobud qayda pozan sürücülər görüntülənib.

Avtosfer.az xəbər verir ki, hadisə Binəqədi rayonu 7-ci mkr-dan Elit Ticarət Mərkəzinə gedən yolda qeydə alınıb.

Belə ki, qeyd olunan yolda tıxac səbəbindən sıxlıq yaranıb. Tıxacda “tələsən” sürücülər kütləvi şəkildə qoşa xəttin tələbini pozaraq əks yola çıxıblar. Bu hərəkətdə olan digər nəqliyyat vasitələri üçün ciddi təhlükə yaradıb. Hətta avtomobillərdən birinin sürücüsü əks istiqamətdən gələn avtomobillər üçün qəza vəziyyəti yaradıb. Belə qayda pozuntusunun kütləvi şəkildə qeydə alındığını nəzərə alsaq hadisənin ciddi fəsadlara səbəb olacağı mütləqdir.

Qeyd edək ki, həmin sürücülərin hər biri barəsində İnzibati Xətalar Məcəlləsinin 327.4-cü maddəsinə əsasən 4 bal 150 manat cərimə tətbiq olunmalıdır.

Məhəbbət Tərlanoğlu