Özünü "film ulduzu" kimi aparan sürücü yük avtomobilinin altında şou göstərdi - VİDEO

“Prius” sürücüsünün təhlükəli hərəkətləri sosial şəbəkələrdə yayılıb.

Avtosfer.az xəbər verir ki, video Bakı – Astara - İran sərhədi yolunda, Qaradağ postunun yaxınlığında qeydə alınıb.

Belə ki, “Toyota Prius” markalı avtomobilin sürücüsü yolda hərəkətdə olan 60-CB-761 qeydiyyat nişanlı “Maz” markalı yük avtomobilinin qoşqusu ilə gövdəsinin arasındakı boşluğa daxil olub. Daha sonra boşluqdan çıxaraq yoluna davam edib. Özünü film ulduzu hesab edən sürücü təhlükəli manevr edərək qaydaları pozub. Görüntülərdə yük avtomobilinə uzun beton blok yükləndiyi, yaranan boşluqdan isə “Prius” sürücüsünün sui-istifadə etdiyi əks olunub. Həmçinin yük avtomobilinin sürücüsü də bu manevrdən sonra əli ilə işarələr edərək qayda pozan sürücüyə xəbərdarlıq edib.

Məhəbbət Tərlanoğlu