Paytaxtda “AA” seriyalı maşın velosiped zolağını zəbt etdi - VİDEO

Paytaxtda qaydaları kobud şəkildə pozaraq yanlış parklanan avtomobil görüntülənib.

Avtosfer.az xəbər verir ki, görüntülər Bülbül prospektində qeydə alınıb.

Belə ki, “Toyota Camry” markalı, 90-AA-320 qeydiyyat nişanlı avtomobilin sürücüsü velosiped zolağını zəbt edərək parklanıb. Bu da velosiped və skuter sürücülərinin rahat və təhlükəsiz hərəkətinə mane olub. Həmçinin zolaq tam zəbt olunduğu üçün velosiped və skuter sürənlər yolun hərəkət hissəsilə hərəkət etməli olub ki, bu da onlar üçün ciddi təhlükə mənbəyidir.

Qeyd edək ki, sözügedən sürücü dayanma-durma qaydalarını kobud şəkildə pozub.

Ümumiyyətlə bəzi sürücülərin digər hərəkət iştirakçılarının yolunu kəsməsi halları çoxalıb. Paytaxtın bir çox yerində belə hallara tez-tez müşahidə olunur. Bunun qarşısını almaq üçün isə konkret tədbirlərin görülməsi vacibləşib. Xüsusilə də piyadaların yolu olan səkilərdə avtomobillərin parklanması təhlükə saçan bir faktdır. Ümid edirik ki, yaxın zamanda müvafiq qurumlar bu məsələ ilə bağlı ciddi tədbirlər görəcək.

Məhəbbət Tərlanoğlu