Paytaxtda "hoqqa verən" “Niva” sürücüsü belə ifşa oldu - VİDEO

Təəssüf ki, sosial şəbəkələrdə qayda pozub videoya çəkən, yaxud görüntülənən sürücülər tez-tez müşahidə olunur. Xüsusilə də “TikTok” sosial platformasında belə videolara daha çox rast gəlinir. Bir çox sürücünü buna vadar edən “fenomen” olmaq istəyidir.

Avtosfer.az xəbər verir ki, belə sürücülərdən birinin videoları da sosial şəbəkələrdə geniş yayılıb.

Belə ki, 99-ZP-041 qeydiyyat nişanlı “Niva” markalı avtomobilin sürücüsü törətdiyi qayda pozuntularını videoya çəkərək paylaşıb. Görüntülərdə nəqliyyat vasitəsinə bir neçə konstruksiya dəyişikliyi edildiyi əks olunub. Sürücü avtomobilin yaylarını kəsərək ön hissəsini qaldırıb. Həmçinin avtomobilə led işıqlar quraşdırılıb. Ətrafdakıların və sosial şəbəkə istifadəçilərinin diqqətini çəkməyə çalışan sürücü qaydaları heçə sayıb.  

Bəzi sürücülərin bu tip hərəkətləri həm törətməsi, həm də sosial şəbəkələrdə paylaşması yetişməkdə olan gənc nəslə pis örnək olur.

Ümid edirik ki, sözügedən sürücü haqqında müvafiq qurumlar tədbir görəcək. Gələcək nəsillərə yalnış davranışların təbliğinin qarşısı alınar.

Məhəbbət Tərlanoğlu