Paytaxtda kobud qayda pozan “Mercedes” elə həmin anda cərimələndi - VİDEO

Paytaxtın Üzeyir Hacıbəyov və  Kövkəb Səfərəliyeva küçələrinin kəsişməsində qayda pozan piyada görüntülənib.
Avtosfer.az-ın məlumatına görə, hadisə fevralın 13-ü saat 13:07 radələrində qeydə alınıb. Videodan göründüyü kimi, 77-DL-099 dövlət nömrə nişanlı “Mercedes” markalı avtomobilin sürücüsü manevr qaydasını pozub. Belə ki, o, hərəkətdə olduğu zolaqdan sağa dönüb. Bu zaman həmin zolaqdakı avtomobilə qəza riski yaradıb. Qayda pozan sürücü daha sonra dönmə işığını yandırıb. Lakin bu zaman o, ərazidə olan DYP əməkdaşları tərəfindən xəbərdarlıq edilərək saxlanılıb.
Qeyd edək ki, sürücünün törətdiyi qayda pozuntusu İnzibati Xətalar Məcəlləsinin 327.1-ci maddəsinə əsasən, 40 manat cəriməylə nəticələnir.

Nərmin