Paytaxtda "Toyota Camry" anidən dayanaraq təhlükə yaratdı - VİDEO

Paytaxtda manevr qaydalarını pozan sürücü görüntülənib.

Avtosfer.az xəbər verir ki, bu barədə görüntülər sosial şəbəkələrdə geniş yayılıb.

Hadisə fevralın 9-da qeydə alınıb. Belə ki, "Toyota Camry" markalı 77-NA-170 qeydiyyat nişanlı avtomobilin sürücüsü anidən yolun 3-cü zolağında dayanaraq sola dönüş edib. Bu da digər nəqliyyat vasitələrinin hərəkətinə mane yaradıb. Hətta görüntülər qeydə alınan avtomobilin sürücüsü işıq və səs siqnalı ilə ona xəbərdarlıq edib.

Qeyd edək ki, sürücü manevr qaydalarını pozduğu üçün İnzibati Xətalar Məcəlləsinin 327.1-ci maddəsinə əsasən 40 manat cərimə olunmalıdır.

Yolda ağır tıxaca səbəb də yəqin ki, belə qayda pozan sürücülərə görə baş verir. Ümumiyyətlə çox vaxt sürücülərin ani qərarları qəzalara da səbəb olur.

Məhəbbət Tərlanoğlu