Paytaxtda yola qaçan piyadalar baykeri görüb son anda dayandılar - VİDEO

Bakının Neftçilər prospektində qayda pozan piyadalar kameraya düşüb.
Avtosfer.az-ın məlumatına görə, xoşagəlməz hadisə bir müddət əvvəl günorta saatlarında qeydə alınıb. Videodan göründüyü kimi, üç nəfər yolu qaçaraq tamamlamağa cəhd ediblər. Bu zaman onlar hərəkətdə olan motosikleti görərək dayanıblar. Hətta piyadalardan biri əliylə işarə edərək baykerə keçməsini bildirib. 
Təəssüflə qeyd edək ki, hər gün piyada vurulmasıyla nəticələnən qəzalar baş versə də qayda pozanlar kifayət qədərdir. Bəzi piyadalar yaxınlıqda keçidin olmadığını bildirərək avtomobillərin intensiv hərəkətdə olduğu yoldan keçirlər. Lakin keçiddən istifadə edərkən belə piyadalar diqqətli davranmalı və avtomobilin dayandığına əmin olduqdan sonra yolu keçməlidirlər.

Nərmin