Piyadaya yol verməyən sürücüləri siz də tanıyın - VİDEO

Piyadaların rahat hərəkəti üçün səki və keçidlər təşkil olunub. Keçidlərdə avtomobillər dayanıb piyadalara yol verməlidir. Lakin bəzi sürücülər buna məhəl qoymayıb, piyadalara yol vermir.

Avtosfer.az xəbər verir ki, analoji halla bağlı görüntülər sosial şəbəkələrdə geniş yayılıb.

Belə ki, “Hyundai Grandeur” markalı 77-AR-812 dövlət nömrəli və “Hyundai Elantra” markalı 77-XZ-094 qeydiyyat nişanlı avtomobillərin sürücüləri yolun qarşı tərəfinə keçmək istəyən piyadalara yol vermirlər. Sürücülər piyada keçidinə qədər (keçidin qarşısında) sürəti azaltmaq və ya nəqliyyat vasitəsini tam dayandırmaq yolu ilə piyadaya yol verməlidir.

Qeyd edək ki, sözügedən sürücülər yolayrıcından kənardakı nizamlanmayan piyada keçidində piyadaya yol vermədiyi üçün İnzibati Xətalar Məcəlləsinin 151-3-cü maddəsi üzrə 50 manat cərimə olunmalıdır.

Məhəbbət Tərlanoğlu