“Prius” sürücüsü parklanma yerində qanunları ələ salıb görüntü paylaşdı - VİDEO

Qaydaları kobud şəkildə pozan sürücü özünü ifşa edən video paylaşıb.

Avtosfer.az xəbər verir ki, hadisə Sədərək Ticarət Mərkəzində qeydə alınıb.

Belə ki, 99-VZ-836 dövlət nömrə nişanlı “Toyota Prius” markalı avtomobilin sürücüsünün avtomobili yanlış park etdiyi video sosial şəbəkələrdə yayılıb.

Görüntülərdən aydın olur ki, həmin sürücü parkinq yerində bir neçə avtomobilin saxlaya biləcəyi yeri zəbt edərək parklanıb. Videonu qeydə alan şəxs bildirir ki, bütün avtomobillər düz dayansa da təkcə “Prius” “çəp” dayanıb. Belə sürücülər şəhərdə niyə çoxdu? Bu sürücülər ilə mübarizə aparmaq lazımdı”. Sonra isə məlum olur ki, bu sözləri deyən elə qaydaları heçə sayan sürücülərdən biridir. Çünki sözügedən “Prius”a oturub, avtomobili işə salır. Dayanma-durma qaydalarını pozan sürücü sanki olanları lağa qoyurmuş kimi həm tənqid edən, həm də tənqid olunan şəxsdir. Bu bayağılığı nə səbəbdən etdiyi isə bəlli deyil.

Məhəbbət Tərlanoğlu