Qadın sürücü Elçibəy küçəsində “Hyundai”la sərxoş tutuldu – Vəsiqəsiz qaldı - VİDEO

Sərxoş vəziyyətdə avtomobil idarə edən qadının sürücülük vəsiqəsi əlindən alınıb. Avtosfer.az xəbər verir ki, hadisə Türkiyənin Ağsaray şəhərində baş verib. Məlumata görə, Şəhər Polis İdarəsinin Yol Polisi Şöbəsinin əməkdaşları Əbulfəz Elçibəy küçəsində apardıqları reyd zamanı şübhəli 06-BA-127 nömrə nişanlı “Hyundai” markalı avtomobili saxlayıblar.

Avtomobilin 30 yaşlı qadın sürücüsünün sənədləri yoxlanıldıqdan sonra o alkoqol testindən keçirilib və 0,86 promil sərxoş olduğu məlum olub. Nəticədə polis əməkdaşları qadının sürücülük vəsiqəsini 6 ay müddətinə müsadirə ediblər. Bundan başqa o, inzibati qaydada 455 manat məbləğində cərimə olunub.

Namiq Musayev