Qayda pozan “BMW”, cərimələnən isə “Opel” - DYP-dən Açıqlama - YENİLƏNİB

Bakı şəhər DYP İdarəsinin bölmə rəisi Toğrul Nəsirli Avtosfer.az-a bildirib ki, qeyd olunan protokolla bağlı araşdırma aparılıb və Mərkəzi informasiya sistemində müvafiq dəyişikliklər edilib.

***

12:52

Qayda pozan “BMW”nin əvəzinə başqa sürücü cərimələnib.

Bu barədə oxucularımızdan biri Avtosfer.az-a şikayət ünvanlayıb.

Belə ki, noyabrın 27-də 77-BL-702 dövlət nömrə nişanlı “Opel Astra” markalı avtomobilin sürücüsü İnzibati Xətalar Məcəlləsinin 346.1 maddəsinə əsasən dayanma-durma qaydalarını pozduğuna görə 20 manat məbləğində cərimə olunub. Lakin fotodan aydın olur ki, qaydanı pozan 77-EN-799 qeydiyyat nişanlı “BMW” markalı avtomobilin sürücüsüdür.

Cərimə isə “Opel Astra” markalı avtomobilin sürücüsünə göndərilib.

Görünür ki, bu texniki səhvdir. Ümid edirik ki, problem yaxın zamanda aradan qaldırılacaq.

Məhəbbət Tərlanoğlu