Qayda pozan sürücü eyni anda üç avtomobilə qəza riski yaratdı - ANBAAN VİDEO

Paytaxtın Xətai rayonu Babək prospektində kobud qayda pozan sürücü kameraya düşüb.
Avtosfer.az-ın məlumatına görə, hadisə bugün (13 dekabr) saat 10:18 radələrində qeydə alınıb. Görüntüdən aydın olduğu kimi, 77-KO-219 dövlət nömrə nişanlı “Toyota Axio” markalı avtomobilin sürücüsü manevr qaydalarını pozub. Belə ki, o, avtomobilini park etmək üçün dönmə işığını yandırmadan sol zolaqdan birbaşa sağ zolağa keçib. Nəticədə hərəkətdə olan digər nəqliyyat vasitələrinə qəza təhlükəsi yaradıb. Lakin sürücülər ehtiyatlı davranaraq baş verəcək qəzanın qarşısını alıblar. 
Qeyd edək ki, avtomobilini sağ zolaqda saxlayan sürücü öncədən həmin istiqamətdə hərəkətini müəyyən etməli idi. Bu halda qayda pozuntusu və qəza riski də baş verməzdi.

Nərmin