Qayda pozmayan sürücüyə başqa maşınların cəriməsi gəlir: "1000 manat ödəmişəm" - FOTO

Qayda pozmadığı halda məsuliyyətə cəlb edilən sürücü redaksiyamızın qaynar xəttinə şikayət ünvanlayıb. Avtosfer.az xəbər verir ki, müxtəlif avtomobillərin qayda pozuntularına dair elektron qərarlar səhvən bu sürücünün adına tərtib olunur. "Mən 99-NB-212 qeydiyyat nişanlı "VAZ" markalı avtomobili idarə edirəm. Lakin aidiyyəti olmayan bir neçə avtomobilin, hətta motosikletin cərimələri mənim adıma tərtib edilir. Təqdim etdiyim fotodan da görünür ki, 99-UA-681 qeydiyyat nişanlı "Mercedes" markalı, 10-A-575 qeydiyyat nişanlı nəqliyyat vasitəsinin cəriməsi mənim adıma tərtib olunub. Hətta bir müddət əvvəl 1000 manata yaxın cərimə ödəmişəm. Lakin sonradan məlum olub ki, həmin qayda pozuntularını mən törətməmişəm" deyə sürücü bildirib.

O, tərtib edilmiş elektron qərarların ləğv edilməsini xahiş edir.

Fərid