“QAZ-31”i dar yolda saxlayıb avtomobillərin hərəkətini çətinləşdirdi - VİDEO

Sabunçu rayonu Yavər Əliyev küçəsində qayda pozan sürücü avtomobillərin hərəkətini məhdudlaşdırıb.
Avtosfer.az-ın məlumatına görə, hadisə fevralın 19-u səhər saatlarında Bakıxanov dairəsi yaxınlığında yerləşən “Stimul Hospital”ın önündə qeydə alınıb. Videodan göründüyü kimi, 77-HS-793 dövlət nömrə nişanlı “QAZ-3110” markalı avtomobilin sürücüsü dayanma-durma qaydalarını pozub. Belə ki, o, avtomobilini dar yolda park edərək digər hərəkət iştirakçılarına maneə olub. Nəticədə sıxlıq yaranıb və qəza riski yaranıb. Xoşagəlməz vəziyyətlə üz-üzə qalan sürücülər siqnal versələr də qayda pozan şəxs hadisə yerində olmayıb.   
Qeyd edək ki, İnzibati Xətalar Məcəlləsinin 346.1-ci maddəsinə əsasən sürücü 20 manat cərimə ödəmək məcburiyyətindədir.

Nərmin