Qazinin maşını ilə şou göstərən sürücü HƏBS EDİLDİ - VİDEO

Videogörüntü yayıldıqdan sonra hadisənin Sumqayıt şəhərində baş verdiyi müəyyən edilib. Keçirilən tədbirlər nəticəsində Sumqayıt şəhər Dövlət Yol Polisi Şöbəsinin əməkdaşları sürücünü aşkarlayıb və məlum olub ki, xətanı Qənbərov Orxan İslam oğlu törədib. Sürücüyə dəfələrlə xəbərdarlıq edilməsinə baxmayaraq, təəssüf ki, qazi adından istifadə edərək onun avtomobili ilə kobud qayda pozuntuları törədib. Onun barəsində İnzibati Xətalar Məcəlləsinin 342.1.3-cü, 342.2.4-cü, 342.9-cu, 511.1.3-cü maddələri ilə protokol tərtib olunub və toplanmış materiallar baxılması üçün Sumqayıt şəhər Məhkəməsinə göndərilib. Məhkəmənin qərarı ilə Orxan Qənbərov 4 gün müddətinə inzibati qaydada həbs edilib.

*****

Maşının konstruksiyasına müdaxilə edən sürücü qeydə aldığı videoları sosial şəbəkə hesabında paylaşıb. Avtosfer.az xəbər verir ki, 50-EF-150 qeydiyyat nişanlı "Azsamand" markalı avtomobilin sürücüsü görünüş dairəsinə düşən şüşələrə plyonka vuraraq qaydaları pozub. Eyni zamanda xarici işıq cihazlarının iş rejimini dəyişərək sayrışan rejimə keçirib. Həmin işıqları günün qaranlıq saatlarında istifadə edərək özünü digər sürücülərdən fərqləndirməyə çalışıb. Digər videoda isə aydın şəkildə görünür ki, sürücü operativ nəqliyyat vasitələrinə aid olan göy və qırmızı işıq siqnallarını alın şüşəsinə yerləşdirərək kobud qayda pozuntusu törədib.

Fərid