Qırmızı işıqda dayanmayan sürücü azyaşlıya təhlükə yaratdı: "Tormozum işləmir" - VİDEO

Bakıda yol hərəkəti qaydasını kobud şəkildə pozan sürücünün təhlükə saçan hərəkəti kameraya düşüb. Avtosfer.az xəbər verir ki, hadisə paytaxtın Abdulla Şaiq küçəsində baş verib. Belə ki, "Wolt" şirkətində çalışan moto kuryer sözügedən küçədə qırmızı işığa məhəl qoymadan hərəkət edib. Bu zaman yolu keçən azyaşlının üzərinə sürərək ona təhlükəli anlar yaşadıb. Görüntünü qeydə alan sürücü irad bildirən zaman, o, "tormozum işləmədiyi üçün dayanmadım" - deyərək özünə haqq qazandırıb. Bu azmış kimi növbəti svetoforun qırmızı işığında da dayanmadan hərəkətinə davam edib.

Fərid