Quba yolunda "kamikadze" sürücü ölüm təhlükəsi yaratdı - VİDEO

Qaydaları kobud şəkildə pozan sürücü yolda ölüm təhlükəsi yaradıb. Avtosfer.az xəbər verir ki, hadisə fevralın 22-də, Quba-Laza yolunda baş verib. Belə ki, 10-PL-380 qeydiyyat nişanlı "Mitsubishi" markalı avtomobilin sürücüsü ötmə etmək məqsədilə əks istiqamətə çıxıb. Bu zaman qarşıdan gələn avtomobilin yoluna çıxaraq ona təhlükəli anlar yaşadıb.

"Yol hərəkəti haqqında" qanunun 51-ci maddəsində qeyd olunub ki, ötməyə başlayan zaman sürücü əmin olmalıdır ki, girmək istədiyi hərəkət zolağı ötmə üçün kifayət edəcək məsafədə boşdur və bu manevr ilə o, qarşıdan gələn nəqliyyat vasitələri üçün maneə yaratmayacaq.

Bu qaydanı pozduğuna görə həmin sürücünü 4 bal 150 manat cərimə gözləyir.

Fərid