Rəsmi tələbləri heçə sayan "Moyka" piyadaların yolunu belə kəsir - FOTO

Avtomobillərə xidmət göstərən obyektlərin giriş-çıxış qapıları piyadalar üçün nəzərdə tutulmuş səkilərə çıxa bilməz. Bu, rəsmi tələbdir. Lakin Bakı şəhərinin bir çox yerində bu tələb pozulur.

Avtosfer.az xəbər verir ki, belə obyektlərdən biri də Süleyman Rüstəm və Eldar Tağızadə küçələrinin kəsişməsində yerləşir. Belə ki, sözügedən ərazidə yerləşən avtoyuma məntəqəsi açılarkən səkidəki bordürlər dağıdılıb. Həmçinin obyektin giriş-çıxış qapısı səkinin üzərindədir. Bu da piyadaların təhlükəsiz və rahat hərəkətinə mane olur.

Ümid edirik ki, yaxın zamanda obyektlərin yerləşdirilməsinə dair tələbləri qəbul edən qurumlar belə halların qarşısını alar. Bu və başqa obyektlərin rəsmi tələblərə uyğun yerləşdirilməsi təmin olunar.

Məhəbbət Tərlanoğlu