Sağ işığı yandırıb sola manevr edən “Prius” sürücüsü qəzadan son anda yayındı - VİDEO

Nərimanov rayonu Əhməd Rəcəbli küçəsində qayda pozan sürücü görüntülənib.
Avtosfer.az xəbər verir ki, hadisə martın 5-i saat 06:59 radələrində qeydə alınıb. Hərəkətdə olan 77-DC-182 dövlət nömrə nişanlı “Toyota Prius” markalı avtomobilin sürücüsü qəza riskinə səbəb olub. Belə ki, o, sağa dönmə işığını yandıraraq sola manevr edib. Bu zaman həmin zolaqdakı nəqliyyat vasitəsinə təhlükə yaradıb. Ehtiyatlı sürücü siqnal verərək ona xəbərdarlıq edib. Sürücünün sözlərinə görə, bu xətanı törətməsinə səbəb onun sükan arxasında yuxulaması olub.
Qeyd edək ki, görüntü sosial şəbəkədə müzakirələrə səbəb olub. İstifadəçilər sürücünün qayda pozmasını fasiləsiz şəkildə işləməsiylə əlaqələndiriblər.

Nərmin