Sağa-sola dönməyin qaydasını bilməyən sürücü qəza şəraiti yaratdı - VİDEO

Xırdalan şəhərində yol hərəkəti qaydasını pozan sürücü təhlükəli vəziyyətin yaranmasına səbəb olub. Avtosfer.az xəbər verir ki, hadisə Mehdi Hüseynzadə küçəsində qeydə alınıb. Belə ki, 77-SO-084 qeydiyyat nişanlı "LYNK&CO" markalı avtomobilin sürücüsü öncə asta sürətlə gedərək arxadan gələn avtomobilin hərəkətinə mane olub. Sağa manevr edən zaman dönmə işığını yandırmayan sürücü qaydaları pozaraq yolun ortası ilə hərəkət etməyə başlayıb. Görüntünü qeydə alan sürücü sağdan keçmək istəyən zaman o, sağa manevr edib. Bu zaman məcburi şəkildə soldan ötməyə çalışıb. Qaydaları pozan sürücü yenidən dönmə işığını yandırmadan qəfildən sola dönərək qəza şəraiti yaradıb.

Fərid