Səfirliyin önündəki keçidi zəbt edib piyadaların yolunu kəsən sürücü - 90-PL-056 - VİDEO

Paytaxtın Yasamal rayonu Bakıxanov prospektində (Rusiya səfirliyinin qarşısı) dayanma-durma qaydasını pozan sürücü görüntülənib.

Bu barədə izləyicilərdən biri Avtosfer.az-ın “İnstagram” adresinə videomaterial göndərib. Belə ki, 90-PL-056 dövlət nömrə nişanlı “KIA” markalı avtomobilin sürücüsü  maşını piyada keçidinin üzərində park edərək vətəndaşların hərəkətinə əngəl törədib. Görüntüdə keçidin yaxınlığında digər nəqliyyat vasitələrinin də saxlanıldığı əks olunub. Şikayətçi, sözügedən ərazidə mütəmadi olaraq eyni xoşagəlməz mənzərinin hökm sürdüyü bildirib. 

Qeyd edək ki, bir müddət öncə də saytımızda bununla bağlı xəbər dərc olunmuşdu.  

Xatırladaq ki, qanunvericiliyə görə, piyadalar üçün nəzərdə tutulmuş keçidlərinin üzərində və ona 5 metr yaxın məsafədə dayanmaq qadağandır.

Nərmin