Şəhərin mərkəzində velosipedçi zolağı qoyub səkiylə gedir - VİDEO

Paytaxtın Bülbül prospektində qayda pozan velosipedçi görüntülənib. Avtosfer.az-ın məlumatına görə, hadisə martın 17-si səhər saatlarında qeydə alınıb. Belə ki, velosiped sürən gənc oğlan piyadaların rahat şəkildə hərəkətinə əngəl törədib. Videodan göründüyü kimi yolda velosiped zolağının olmasına baxmayaraq o, nəqliyyat vasitəsini piyada səkisində sürür.
Qeyd edək ki, nəqliyyat vasitələri üçün qanunla müəyyən edilən tələblər və yol nişanları velosipedlər üçün də keçərlidir. Yol Hərəkəti haqqında Qanunun 38-ci maddəsində qeyd olunur ki, mühərriksiz velosipedi idarə edən şəxs xüsusi velosiped zolaqları ilə, bunlar olmadıqda isə yolun, küçənin hərəkət hissəsinin kənarı və ya yol çiyinləri ilə hərəkət etməlidir. 
İnzibati Xətalar Məcəlləsinin 338.4-cü maddəsinə əsasən piyadaların hərəkətinə maneə yaradılmasına görə, 40 manat məbləğində cərimə edilə bilərlər.

Nərmin