Səkini anbar etdilər - 2 həftədir ki, piyadalar əziyyət çəkir - FOTO

Metronun "Həzi Aslanov" stansiyası yaxınlığındakı səki 2 həftədir ki, inşaat materialları ilə zəbt olunub.  

Avtosfer.az xəbərt verir ki, bu barədə fotolar sosial şəbəkələrdə geniş yayılıb.

Belə ki, səkiyə yığılmış kərpic və konstruksiya materialları piyadaların yolunu kəsir. Sakinlər bildirib ki, səkidəki bu hal 2 həftədir hökm sürür. Həmçinin vətəndaşlar bu problemlə bağlı konkret hara müraciət etməkdə çətinlik çəkirlər. Onlara məsələlərin operativ həlli lazımdır.

Səkiyə yığılan materiallardan obyektin ikinci mərtəbəsinin inşasında istifadə ediləcək. Deməli, səki hələ bir müddət tikinti meydançasına çevriləcək. Lakin səki nə saxlanc yeri, nə də anbar deyil.

Qeyd edək ki, yol verilən hall qayda pozuntusudur. Piyadaların hərəkətinə mane yaradılmasına görə İnzibati Xətalar Məcəlləsinin 338-ci maddəsində 40 manat məbləğində cərimə nəzərdə tutulub.

Məhəbbət Tərlanoğlu