Səkini zəbt edən sürücüləri siz də tanıyın - FOTO

Sosial şəbəkələrdə qayda pozaraq səkidə avtomobil park edən sürücülərin fotoları yayılıb.

Avtosfer.az xəbər verir ki, Əliəşrəf Əlizadə küçəsində 99-LF-791 qeydiyyat nişanlı “Mıtsubıshı Pajero” markalı və 10-LU-636 nömrə nişanlı “Mazda” markalı avtomobillərin sürücüləri dayanma-durma qaydalarını pozaraq səkini zəbt edib. Həmçinin sözügedən küçədə “Ford” markalı avtomobil də piyadalar üçün nəzərdə tutulmuş  pandusun önünü kəsib.

Xətai prospektində isə 99-DD-351 qeydiyyat nişanlı “Mercedes Benz” markalı avtomobilin sürücüsü səkini zəbt etdiyi fotoda aydın əks olunub.

99-BR-786 dövlət nömrə nişanlı “Opel Astra” markalı avtomobilin sürücüsü isə maşınını Gənclər və İdman Nazirliyinə gedən yolda səkinin üzərində parklayıb.

Xatırladaq ki, İnzibati Xətalar Məcəlləsinin 346.1-ci maddəsinə əsasən dayanma-durma qaydalarını pozan sürücülərin hər biri 20 manat məbləğində cərimə olunmalıdır.

Məhəbbət Tərlanoğlu