Səkini zəbt edib piyadaların yolunu kəsdilər - 99-AN-021 və 10-CX-170 - FOTO

Paytaxtın Binəqədi rayonu, Rəsulzadə qəsəbəsində dayanma-durma qaydalarının pozan sürücülər görüntülənib.

Avtosfer.az-ın məlumatına görə, hadisə aprelin 29-da saat 08:00 radələrində baş verib. Belə ki, 99-AN-021 dövlət nömrə nişanlı “Mitsubishi” markalı və 10-CX-170 dövlət nömrə nişanlı “Nissan” markalı avtomobillər piyadalar üçün nəzərdə tutulmuş səkidə park edilib. Nəticədə piyadalar məcbur qalaraq nəqliyyat vasitələrinin hərəkət etdiyi hissəyə çıxıblar.

Xatırladaq ki, nəqliyyat vasitələrinin səkidə saxlanılması və ya park edilməsi qanunla qadağandır. Bu qayda pozuntusu piyadaların yolunu kəsməklə yanaşı onların həyatını da təhlükəyə atır.

Nərmin