Sola düzgün dönməyən moped sürücüsü ölümcül təhlükə yaratdı - ANBAAN VİDEO

Qayda pozan moped sürücüsü dəhşətli qəza şəraiti yaradıb. 

Avtosfer.az-ın məlumatına görə, Baş Dövlət Yol Polisi İdarəsinin şöbə rəisi, polis polkovnik-leytenantı Rövşən Tağıyev hadisənin görüntüsünü sosial şəbəkə hesabında paylaşıb. Belə ki, geriyə manevr etmək istəyən moped sürücüsü soldan gələn nəqliyyat vasitələrinə əhəmiyyət vermədən sol zolağa keçid edib. Bu zaman ən sol zolaqda hərəkətdə olan avtomobilin sürücüsü onunla toqquşmamaq üçün sola manevr etsə də anidən idarəetməni itirib. Nəticədə zolağından çıxan maşın bir neçə dəfə fırlanıb. Xoşbəxtlikdən avtomobilin sürücüsü son anda nəqliyyat vasitəsini saxlayıb və baş verəcək ağır qəzadan xilas olub. 

Kadrda avtomobilin sürücüsünün də yüksək sürətlə hərəkət etdiyi və zolağında düzgün yerləşmədiyi görünür.

Nərmin