Sükan arxasında “oyun çıxarıb” özünü “avtoş” kimi aparan sürücü - 90-FG-488 - VİDEO

Yol hərəkəti qaydalarını kobud şəkildə pozan sürücünün videosu “TikTok” sosial platformasında paylaşılıb.

Avtosfer.az-ın məlumatına görə, görüntülər Binəqədi-Mehdiabad yolunda qeydə alınıb. Hərəkətdə olan 90-FG-488 dövlət nömrə nişanlı “Mercedes” markalı avtomobilin sürücüsü yolda avtoxuliqanlığa meyilli hərəkətlər edib. Belə ki, o, yol boyu təhlükəli manevrlər edərək döngəyə sərt daxil olub. Bu zaman sürücü özüylə yanaşı avtomobildə olan sərnişini də təhlükəyə atıb. Digər kadrda isə, o, “Toyota Prius” markalı maşını ötmək üçün sürət həddini aşıb və sərt manevrlərinə davam edərək qəza şəraiti yaradıb. 

Qeyd edək ki, sürücünün törətdiyi qayda pozuntusu İnzibati Xətalar Məcəlləsinin müvafiq maddəsinə əsasən nizamlanır. 

Nərmin