Süpürgəçi qadının qarşısına zibil atan sərnişin hamını qəzəbləndirdi - VİDEO

Bakıda yola zibil atan sərnişin görənləri qəzəbləndirib. Avtosfer.az xəbər verir ki, hadisənin videosu sosial şəbəkədə yayılıb. Belə ki, 90-GX-182 qeydiyyat nişanlı "İJ" markalı avtomobildəki sərnişin əlində olan bütün zibilləri yolu təmizləyən süpürgəçi qadının qarşısına atıb. Onun bu hərəkəti sosial şəbəkə istifadəçilərini qəzəbləndirib.

Əksər insanlar düşünür ki, yolu süpürən qadınlar onların zibillərini təmizləmək üçün işləyirlər. Bu səbəbdən də əllərindəki zibili xüsusi qablara deyil, yola atırlar. Hətta onlarda səhv fikirlər də formalaşıb: "Biz zibilləri yola atmasaq həmin qadınlar işsiz qalar".

Həmin insanların nəzərinə çatdırırıq ki, yolu təmizləyən qadınlar kiminsə zibilini yox, təbii şəkildə yaranan zibilləri (ağacların yerə tökülən yarpaqları və.s) yığışdırmaq üçün çalışırlar. Sizin atdığınız zibillər onlar üçün əlavə əziyyət və vaxt itkisi yaradır.

Könül