Suraxanıda sürücü və sərnişin növbə ilə yolu zibillədilər - VİDEO

Suraxanı rayonu Elxan Həsənov küçəsində küçəni zibilləyən sürücü və sərnişin görüntülənib.
Avtosfer.az-ın məlumatına görə, xoşagəlməz hadisə  bir neçə gün əvvəl günorta saatlarında qeydə alınıb. Videodan göründüyü kimi, 10-UD-485 dövlət nömrə nişanlı “Ford Transit” markalı avtomobildəki sürücü və sərnişin növbə ilə yolu zibilləyib. Belə ki, öncə sərnişin əlindəki siqaret qutusunu küçəyə atıb. Bir müddət sonra isə sürücü yolu zibilləyib. Sürücüylə yanaşı piyadalar da onların törətdiyi əməlin şahidi olublar. 
Qeyd edək ki, İnzibati Xətalar Məcəlləsinə əsasən, avtomobildən kənara hər hansı əşyanın atılmasına görə 40 manat məbləğində cərimə nəzərdə tutulur.

Nərmin