Sürücü diplomatik xidmətə məxsus maşınla qayda pozdu - VİDEO

Paytaxtda qayda pozan sürücü görüntülənib. Avtosfer.az xəbər verir ki, fevralın 22-də İnşaatçılar prospektində “Volvo” markalı avtomobilin sürücüsü ani manevrlər edib.

Belə ki, “İzmir resident"in həyətindən yolun hərəkət hissəsinə çıxan sürücü qoşa xəttin tələbini pozaraq əks istiqamətli yola çıxıb. Bu da hər iki zolaqda hərəkətdə olan nəqliyyat vasitələri üçün təhlükə yaradıb.

Sakinlər bildirib ki, bu hal demək olar ki, hər gün təkrarlanır.

Avtomobilin nömrəsi görünməsə də qırmızı rəngdə olması diplomatik xidmətlərdən birinə məxsus olduğu ehtimalı yaradır.

Qeyd edək ki, bir neçə yüz metr irəlidə avtomobillər geriyədönmə yeri var.

Xatıqladaq ki, İnzibati Xətalar Məcəlləsinin müvafiq maddəsinə görə sürücü cərimə oluna bilər.

Məhəbbət Tərlanoğlu