Sürücü maşını azyaşlıya verib özü yan oturacaqda əyləşdi - VİDEO

Avtomobil idarə edən yeniyetmənin videosu “TikTok” sosial platformasında paylaşılıb. 

Avtosfer.az-ın məlumatına görə, hadisə bir neçə gün əvvəl Gəncədə qeydə alınıb.
Belə ki, azyaşlı 10-FG-620 dövlət nömrə nişanlı “VAZ-2106” markalı avtomobili sürür. Avtomobilin sahibi isə yan oturacaqda əyləşib və arxada oturan sərnişin yeniyetməni lentə alıb.

Qeyd edək ki, sosial şəbəkə istifadəçilərinin bir qismi videoya müsbət reaksiya versə də, qalanı onun bu yaşda avtomobili idarə etməsinin təhlükəli olduğunu bildirib. 
Xatırladaq ki, İnzibati Xətalar Məcəlləsinin 335.1 maddəsinə əsasən, nəqliyyat vasitəsinin sahiblik hüququ olan şəxs tərəfindən avtomobili sürmək üçün sürücülük hüququ olmayan şəxsə verilməsinə görə, fiziki şəxslər 60 manat, vəzifəli şəxslər 200 manat,  hüquqi şəxslər isə 2 000 manat məbləğində cərimə edilirlər. 

Nərmin